Design a site like this with WordPress.com
Get started

අතිශ්‍යයින් #කාන්තාවන්ට පමණයි..👩‍

පොඩි දේකටත් , හෑයියා… හූයියා …චිකේයියා…
කියන කෙල්ලො ඉන්න ලෝකෙම තමයි සුපර් කෙල්ලො..👩‍ඒ ගොල්ලො තමයි ආශ්චර්යමත් කෙල්ලො , පොළොවෙ පයගහල ජීවත් වෙන. දැන් ගත් කටටම කියයි ඒ වගේ එවුන් ඉන්නෙ ඇත්තටම ෆිල්ම් වලයි , ෆැන්ටසි වලයි (සුරංගනා කතාවල)විතරයි කියලා…හැබැයි අපෙ අහල පහලම ඉන්නවා….😊එහෙම අය..

දුක මැද්දෙන් ආතල් එකේ හිනාවෙන කෙල්ලො…..🌟
එක් දිගටම වැටෙනකොට ආයෙත් නැගිටින්න ට්‍රයි කරන කෙල්ලො…🌟
ගෙදරට බරක් නොවී තමන්ගෙ වියදම හරි හොයන්න දතකන කෙල්ලො…🌟

තමන්ගෙ සල්ලි වලින් අම්මට තාත්තාට සුර සැප දෙන්න අමාරුවෙන් ජොබ් කරන කෙල්ලො…🌟
පිරිමි කරනකන් බලාගෙන ඉන්නෙ නැතුව ඕන වැඩකට ඔට්ටු වෙන උත්සාහය තියන කෙල්ලො…🌟

පොඩි දේටත් අඬන්නෙ නැතුව ජීවිතේ ගැන තේරුමකින් කියවන කෙල්ලො…🌟
ෆේස්බුක් එකේ රැජිණක් වෙන්න දඟලන්නෙ නැතිව තමන්ගෙ ලෝකෙක රැජිණ වෙන්න උත්සාහ කරන කෙල්ලො..🌟

රටේ ලෝකෙ ඕපදූප හොය හොය කාලකන්නි නොවී තමන්ට දේවල් කරන්න උත්සාහ කරන කෙල්ලො…🌟

අන්න උන් තමයි ඇත්තටම වැදගත් කෙල්ලො.

ඒ අස්සෙම කාටවත් නොපෙන්නෙන්න..
බඩගිනි වුණත් ළමයිගෙ බඩපුරවන්න උත්සහ කරන,තමන් ආදරය කරන කෙනාගෙ හිත සතුටින් පුරවන…ආදරණීය කෙල්ලො ..🌟

දරුවා වෙනුවෙන් තමන්ගෙ ශරීරෙ කැත වුණාට කමක් නෑ කියලා අව්වේ කට්ට කාගෙන වැඩ කරන – තමන්ගෙ හදවතෙන් හුස්ම ගන්න එකා වෙනුවෙන් මැරෙන්න වුණත් ලෑස්ති වෙන….🌟

කරන කැපකිරීමේ සීමාවල් කියාගන්න මේ ලෝකෙ වචනත් මදිවෙන – උපදින හැම ආත්මෙ බුදු වෙන්න සුදුසු ගෞරවණීය අම්මලා…🌟

ගෑණු තමයි වැඩියෙන්ම ආදරේ හෝඩිය ගැන දන්නෙ….🧚
ගෑණු තමයි වැඩියෙන්ම දරාගැනීමට වගකියන්නෙ…🧚
ගෑණු තමයි අදුරට ආලෝකයක් වෙන්නෙ..
ඔව් ගෑණු තමයි මේ ලෝකෙ වැඩියෙන්ම දුක් වෙවී හිනාවෙන්නෙ..!!!!

ගැහැණිය / අමිම කියන්නෙ මොන කෝණෙන් බැලුවත් ලෝකයා හිතනවට වඩා ශක්තිමත් කෙනෙක්..💁

මේ ලෝකයේ මගේ ආදරණීය අම්මා ඇතුළු ලොවතනන කාන්තාවන්ට උපහාරයක්ම වේවා …!!!…🙏
ගෑණියෙක් වීම , ආඩම්බරයක් නම් share කරමු…..💟

-✍️ #භානුක_එදිරිසිංහ..

හලෝ යාළුවා ඔයාට කොහොමද

දින 07කින් එල්ලා මැරීමට නියම වුණු සිරකරුවෙක්ව ඔහුගේ අන්තිම දින 07 සඳහා වෙනත් හිරකූඩුවකට මාරු කරන ලදි.

වසර ගනනකින් හිරු එලියවත් නොදුටු ඔහුට ලැබුණු අලුත් කුටියත් කෑලි කැපිය හැකි කළුවර එකක් විය.

“හලෝ යාළුවා ඔයාට කොහොමද”

එහා සිර කුටියේ සිටි සිරකරු අලුතින් මාරු උනු සිරකරුගෙන් ඇසුවේය.

අලුතින් මාරු උන සිරකරුවාට පුදුම සතුටක් දැනුනේය.

ඒ තමන්ගෙ අවසාන දින කිහිපයේ හරි කතා කරන්නට කෙනෙක් හමුවීම ගැනය.

මෙලෙස මේ දෙදෙනා ඔවුන්ගේ විස්තර කතා කලහ.

කල වැරදි පාපොච්චාරණය කලහ.

” මට ඔබවත් කතා කරන්න හම්බුණ එක හොඳයි,
වසර 10කින් මං ඉර එලියක් දැකල නෑ,
හැමදාම හිටියේ අඳුරු කාමරවලමයි, වෙලාවක්වත් හරියට මං දන්නෑ”

මාරුවුණ සිරකරුවා එසේ පැවසීය.

“මගෙ සිර කුටියේ තියෙනව පොඩි සිදුරක්,
මට මේකෙන් පුලුවන් බලන්න පිටත ලෝකය.
දුක් වෙන්න එපා මිත්‍රයා මං ඔබට මේකෙන් බලල මං දකින දේ කියන්නම්”

පරණ සිරකරු අලුත් සිරකරුට පිළිතුරු දුන්නේය.

“සුභ උදෑසනක් මිත්‍රයා,
දැං උදේ 6ට විතර ඇති,
පුංචි ලමයි දෙන්නෙක් ස්කෝලෙ යනවා,
ඈතින් ඉර පායාගෙන එනවා හරිම ලස්සනයි,
ඈත තියෙන අඹ ගහක කුරුල්ලෙක් අඹ ගෙඩියක් කනවා”

මෙලෙස පරණ සිරකරු ඔහු දකින දේවල් අලුත් සිරකරුවාට පවසන්නට විය.

අලුත් සිරකරු ඒ සියල්ල නොදුටුවත් ඔහු කියන දේවල් අසා සිතින් මවාගන්නට විය.

ඔහුට පුදුම සැහැල්ලුවක් දැනිනි.

“දැං රෑ වෙලා,
අද පෝය දවසක් ඈත කන්දෙන් හඳ ලස්සනට පේනව,
සුදු ඇඳගත්තු මිනිස්සු ඈතින් පන්සල් යනව පේනව”

ඒ එදින රාත්‍රියයි.

“අද නම් වැහි දවසක්,
මුලු අහසම අඳුරු කරල,
ආ ආ ඈතින් කෙල්ලෙකුයි කොල්ලෙකුයි කුඩයක් අස්සෙන් යනව තුරුල් වෙලා,
කෙල්ල රතුයි කහයි බෝල ගවුමක් ඇඳල”

ඒ දෙවැනි දිනයයි.

“මටත් මතක් වෙනවා ඉස්සර මං මගෙ ගෑණු ලමයත් එක්ක පාරවල් වල ඇවිදපු හැටි”

අලුත් සිරකරු පිළිතුරු දුන්නේය.

“අද නම් ස්කෝලෙ පොඩි ළමයි පෙරහැරක් යනව,
චූටි චූටි ළමයි මල් අරං කොඩි අරං පෝලිමට යනව හරිම ලස්සනයි මිත්‍රයා”

ඒ තෙවැනි දිනයි.

මෙලෙස පරණ සිරකරු තමන්
දකින සෑමදෙයක්ම අලුත් සිරකරුට පැවසුවේය.

අලුත් සිරකරු සියල්ල සිතින් වින්දේ පරණ සිරකරුට ස්තුති කරමිනි.

ඒ වසර ගණනාවක් නොදුටු ලෝකය ගැන අසා හෝ සතුටුවන්නට ඔහුට අවස්තාව ලැබුනු බැවිනි.

මේ ආකාරයෙන් හයවැනි දිනය උදාවිය.

අලුත් සිරකරු සිය මිතුරා ඇමතීය.

“යාලුවා ඔබට අද මොනවද පේන්නේ”

නමුත් පැරණි  සිරකරුගෙන් පිලිතුරක් ලැබුනේ නැත.

ඒ නිසා ඔහු කෑම ගෙනත් දීමට පැමිණි ජේලර්වරයාට මෙසේ කීවේය.

“අසනීපයක්වත්ද එහා පැත්තේ සිරකරුවාට ඔහු කතාවත් කරන්නෑනේ”

“එයාව අද උදේ එල්ලල
මැරුවා”

ජේලර්වරයාගේ පිළිතුරෙන් සිරකරුවා අන්දමන්ද විය.

මන්ද පරණ සිරකරු එල්ලාමැරීමට නියම වූවෙක් බව ඔහු කිසිදා නොසිතීය.

“අනේ එහෙනම් මාව ඒ කුටියට දාන්න පුලුවන්ද”

ඔහු ජේලර්වරයාගෙන් ඉල්ලා සිටියේය.

“ඒ මොකටද”

” ඒ කුටියේ පොඩි සිදුරක් තියෙනවලු මට අද දවස විතරක්වත් ඉර එලියක් දැකගන්න ආසයි”

එසේ පවසා සිරකරු විසින් පහුගිය දවස් කිහිපයේ අනිත් සිරකරු පැවසූ දෑ ජේලර්වරයාට  පැවසුවේය.

මෙය අසා සිටි ජේලර්වරයාගේ ඇස් වලින් කඳුලු කඩා වැටිනි.

” ඒ කුටියේ එහෙම සිදුරක් නෑ,
මේ සිරගෙදර තියෙන අපිරිසිදුම කුටිය ඒක,
ඒ වගේම ඒ හිටපු සිරකරුවගෙ ඇස් 02ම පේන්නෑ,
ඔහු කරල තියෙන්නේ අවුරුදු ගනනකින් ඔබ වටපිටාව දැකල නෑ කීව නිසා ඔබේ හිත හදන එක,”

මොහොතක් සිතන්න.

අපිට ජීවිත කාලය තුලදී තමන්ගේම අයගේ සතුට වෙනුවෙන් යමක් කිරීමට කොපමණ අවස්තා ලැබී තිබෙනවාද?

නමුත් අපි ඒ අතරින් උත්සහ කර ඇත්තේ කීවතාවක්ද?

එසේනම් අන් අය,පිට මිනිසුන් ගැන කවර කතාද?

කෙනෙකුගේ සිතක් හැදීමට ඔහුගේ දැනහැදුනුම්කම් වලින් වැඩක් නැත.

වැදගත් වන්නේ අපිට පුලුවන්කම තිබියදීත් එය කලාද නැද්ද යන්නයි.

එය කිසිවක් බලාපොරොත්තුවෙන් නොව තම ආත්ම තෘප්තිය වෙනුවෙනි.

තවකෙකුට උදව්කිරීම යනු මුදල්ම නොවේ.

ඔබෙන් ලැබෙන එක සිනහවක්,එක වචනයක් තවකෙකුට ඒ මොහොතේ වටිනාම දෙය විය හැකිය.

( උපුටා ගැනීමක් )